Tsòtı̀ gà Xàgots’eèhk’ǫ̀ǫ k’è

Nı̨htł’ètaatso t’à Tsǫ̀tı̀ tabàa chı̨k’è ts’ònèe kǫ̀ łǫǫ̀-lea golaa wenı̨htł’èı̀chı̀ı wègoat’ı̨. Dechı̨kǫ̀ nechà-lea łǫ̀hdı̨ gòla, hazǫǫ̀ sadeè t’à dechı̨ nàı̨zàa t’à hòlı̨. Kǫ̀goht’ǫǫ̀ xàɂaa t’à kǫ̀ wemot’aa eyıts’ǫ dahmò hòlı̨. Dè k’e kwekà ładı̨ı̨ xàɂaa k’e Ɂı̨hdaak’ètı̀ tabàa k’e gòɂǫ.

1970 ekò dechı̨kǫ̀ kǫ̀gòlaa gok’enık’ǫ ı̨lè, hazǫǫ̀ t’à dechı̨kǫ̀ ek’ètaı k’enık’ǫ. Eyı̀ı kǫ̀gòlaa segǫ̀hłı̨ ı̨lè.
Mike Nitsiza